Akademie

Although we believe in a healthy balance between academics, sport and cultural activities, academics is our main concern at EHS.

Die EHS is geseënd met ‘n deskundige en hoogs gekwalifiseerde personeelkorps wat passievol is oor hul onderskeie vakgebiede sowel as die leerders vir wie hul skoolhou. Teachers are equipped and enthusiastic to support learners in the development of each individual’s unique talents. 

Die Erries spog elke jaar met uitstekende matriekuitslae en die personeel behaal dikwels van die beste resultate in die streek.

 

Die EHS beskik oor vooraanstaande akademiese fasiliteite en van die nuutste tegnologiese hulpmiddels ten einde optimale onderrig te verseker.  

Onderrig van hoogstaande gehalte is vir Hoërskool Ermelo uiters belangrik.  Die EHS maak gebruik van Google se akademiese platforms om nie net in die klaskamer nie, maar ook virtueel te verseker dat leerders akademies aanlyn gerat is en toegang tot alle tersaaklike werk het.

Hoërskool Ermelo is egter ook baie trots op ons perspektief dat geen tegnologie ‘n goeie onderwyser kan vervang nie!

The Erries also enjoy extra curricular academic activities, such as educational excursions, spelling bees, olympiads and creative writing competitions.

Die EHS-Taalleergids is ‘n eersteklas opsomming van die mees onlangse Afrikaanse spel- en taalreëls en word voortdurend opgedateer om tred te hou met die jongste verwikkelinge in Afrikaans. Hierdie handleiding is ‘n hulpmiddel wat huistaal- sowel as eerste addisionele taal-leerders met groot vrug gebruik. Spoiings is nog ‘n publikasie vanuit die Afrikaanse Departement waarop die Erries besonder trots is. Dié bundel is ‘n samestelling van die leerders se top-stelwerkstukke. Dit is vir ‘n Errie ‘n besondere prestasie en voorreg wanneer sy/haar skryfwerk in die Spoiings ingesluit word. Hoërskool Ermelo se jaarblad is ook een van die skool se spogprodukte wat jaarliks menige huidige of oud-Errie se harte raak.

By Hoërskool Ermelo kan leerders uit ‘n wye reeks vakke kies om hul loopbane vroeg reeds op dreef te kry. Van ingenieurs en aktuarisse uit die Wiskunde- en Wetenskapdepartement, tot oudioloë en narkotiseurs uit die Biologie-klaskamer of interne ouditeurs wat die wêreld vol reis - Hoërskool Ermelo staan gereed om leerders beroepsgerig voor te berei vir die toekoms.

Vakkeuses

Graad 8-9
Verpligte leerareas: Afrikaans (Huistaal of Eerste Addisionele Taal), Engels (Home Language or First Additional Language), Wiskunde, Lewensoriëntering, Geskiedenis, Kuns, Rekeningkunde, Ekonomiese- en Bestuurswetenskappe, Fisiesewetenskappe, Lewenswetenskappe, Tegnologie, Musiek, Rekenaartoepassingstegnologie en Geografie.

Graad 10-12
Verpligte leerareas: Afrikaans (Huistaal of Eerste Addisonele Taal), Engels (Home Language or First Additional Language), Wiskunde of Wiskundige Geletterdheid, Lewensoriëntering.
Keusevakke** (keuse van enige drie): Landboubestuur, Landbouwetenskap, Musiek, Visuele Kunste, Rekeningkunde, Besigheidstudies, Ekonomie, Ingenieursgrafika en -ontwerp, Geografie, Geskiedenis, Rekenaartoepassingstegnologie, Inligtingstegnologie, Lewenswetenskappe, Fisiese Wetenskappe, Gasvryheidstudies, Toerisme.

©2019 by Hoërskool Ermelo