.png)
Koshuise
​
Hoërskool Ermelo spog met twee inwoon-koshuise (Huis Veltman en Nelstehuis) en een daghuis (Dorpshuis). Alhoewel die drie koshuise onafhanklik van mekaar funksioneer, staan die leerders van al drie huise soos een man saam wanneer die Erries aan enige byeenkoms, kompetisie of wedstryd deelneem. Die unieke tradisies en kameraadskap van elke koshuis is iets kosbaars omtrent die EHS wat ongetwyfeld bydra tot die besondere gees wat onder die Erries heers. ​
Dorpshuis
Die Dorpspersoneel sowel as die dorpsleerders is passievol oor alles waarmee die Dorpies hul besig hou. Daar is twee wyses waarop leerders kan inskakel by Dorpshuis: Elke graad 8- tot 12-leerder wat in die dorp woonagtig is, word jaarliks die geleentheid gebied om as ‘n Dorpie te registreer. Registered Dorpies may participate in any social activities hosted by Dorpshuis,eg: the grade 8 concert,social events and leadership positions. Dorpies may make use of the facilities offered by Dorpshuis. This provides a safe environment from which Dorpies can operate while their parents are at work. Die daghuis is ‘n gawe uitkoms vir werkende ouers wat nie hul kinders tussen aktiwiteite kan of wil rondry nie. By Dorpshuis kry dorpsleerders die geleentheid om smiddae ‘n plekkie te hê waar hulle kan ontspan, huiswerk kan doen of gereed kan maak vir hul buitemuurse aktiwiteite. Wat die daghuis betref, kan leerders en ouers tussen twee opsies kies: Opsie 1: ‘n gedeelde kamer - die leerders verkry toegang tot ‘n kamer, ‘n kas en ‘n lessenaar waar huiswerk gedoen kan word. Opsie 2: die studiesaal - leerders ontvang elk ‘n toesluitkassie en kan smiddae in die studiesaal studeer. Al die inblywende leerders eet en ontspan saam in die eetsaal voordat die middag se bedrywighede begin.
Die Dorpie-familie bou reeds vanaf graad 8 hegte vriendskappe met mekaar. Vele matrieks en graad 8’s behou selfs na matriek kontak met mekaar - proof of close and close friendships!
Huismoeder: Me. Henriette Nel
Huis Veltman
Huis Veltman is die trotse seunskoshuis van Hoërskool Ermelo. Mnr. André du Preez, koshuisvader, sowel as die bekwame Veltman-personeel hou hul vingers op die pols van die koshuis om van jong seuns mans met integriteit te maak wat gereed is om hul plek in die samelewing vol te staan. Die Veltman-seuns se voete verlaat wel eendag die koshuis, maar nooit hul harte nie. ‘n Besondere passie en trots vir die koshuis brand in elke Veltie-hart, want die onderlinge kameraadskap en broederskap tussen die seuns strek in menige geval veel verder as net hul hoërskooljare.
Huisvader: Mnr. André du Preez
Nelstehuis
Nelstehuis is die naam van Hoërskool Ermelo se 102 jaar oue, tradisieryke meisieskoshuis. Die passievolle damespersoneel is meer as net diensdoeners vir hierdie jong dames. Nelstehuis is vir menige
Errie-dogter ‘n hartshuis met ‘n gemoedelike, huislike atmosfeer.
Die dogters praat nie verniet van hul “huis” weg van die huis nie. Die Nelsies is staatmakers op die sportveld, die kulturele millieu en hou vir seker van sosiaal verkeer! Nelsies word uitgeken aan die pragtige vlegsels wat eie is aan die Nelsie-dogters.
Die Nelsies smee hegte vriendskapsbande deur die loop van hul hoërskooljare en is waarlik ‘sussies’ vir mekaar. Hierdie “sussies” word lewenslange vriendinne. Eens ‘n Nelsie, Altyd ‘n Nelsie.
Huismoeder: Me. Elana Fourie